• Boga Hore
• Arimaha Qoyska
• Bulshadda
• Diini
• Sheekooyinka
• Caafimaadka
• Sports

Hooyo Soomaaliyeed oo ku nool Holland oo laga qaatey 6 caruur ah oo ay dhashay (Daawo Muuqaal ahaan Dhacdo Murogo iyo Xanuun badan)

Oct 12, 2012 - 11 Jawaabood

Dhacdo murogo iyo xanuun badan ayaa waxaa la sheegay inay qabsatey hooyo Soomaaliyeed oo ku nool dalkaas Holland ka dib markii hooyadaas laga qaatey 6 caruur ah oo ay dhashay ka dibna dadkii loo geeyey caruurtaas ay faraxumeeyeen arintaas oo hooyadaas ku noqotey murugo weyn.

Riix Halkan si aad Udaawato Muuqaalka Qisadan

Hooyadan Soomaaliyeed oo lagu magacaabo Warda Maxamed oo dhawaantaan u warantey haweeneyda lagu magacaabo Yasmiin Callas barnaamijkeeda ka baxa telefishinkaas dalka Holland ee lagu magacaabo Nomaden en Piraten oo ay uga hadasho xaalada dadka Soomaaliyeed ee ku nool dalkaas ayaa waxaa la sheegay in hooyadaas 6 caruur ah oo ay dhashay ay ka qaadeen qolooyinka caruurta xaquuqdooda ilaaliya ka dib markii lagu soo eedeeyey inaysan awoodin xanaaneynta caruurtaas, Hooyadaan Soomaaliyeed oo dadaal iyo halgan badan ka dib la siiyey sharciga dalkaas Holland ayaa waxaa ka tegay ninkii qabay, ka dibna waxaa dhacday in hooyadaas laga joojiyey ceyrtii ay qaadan jirtey iyadoo lagu soo eedeeyey inay wax isdaba marisay oo aysana xaq u lahayn lacagta ceyrta ah taas oo keentay in hooyadii iyo 6 caruur ah ee ay dhashay ay noqdaan kuwo aan lahayn wax inkam ama daqli ah taasna ay sababtey masruuf iyo cumto la’aan inay ku dhacdo hooyadaas iyo caruurteeda islamarkaana gurigii ay ku noolaayeen laga jaro korontadii iyo biyihii ka dibna sidaas looga qaatey caruurteeda maadaama hooyadaas lagu soo eedeeyey inaysan awoodin xanaaneynta caruurtaas oo aysana gurigaas wax caruur ku noolaan karin, Laakiin arinta muragada leh ee hooyadaas qabsatey ayaa waxay tahay in caruurteeda oo markii hore loo geeyey qoys Soomaali ah oo ay hooyadaasi qaraabo ahaayeen in caruurtaas lagu faraxumeeyeen gurigaas, taas oo keentay in gabdhihii laga wareejiyo qoyskaas oo loo geeyo qoys kale oo Soomaaliyeed, laakiin nasiib daro gabdhihiina mar kale kuma badbaadin qoyskii kale ee loo geeyey oo iyadana waxaa dhacday in halkaas lagu kufsaday mid ka mid ah gabdhihii loo geeyey qoyskaas Soomaalida arintaas oo hooyadaas ku beertay murugo aad iyo aad u weyn. Dhibaatada kale ee hooyadaas Soomaaliyeed heysata ayaa waxay tahay ka dib markii loo diiday inay caruurteeda ay kula hadasho af Soomaali oo loo sheegay inay kula hadasho oo kaliya luqada Holandeeska,

Laakiin David Lamas oo ku hadlaayey magaca heyada u dooda xuquuda caruurta ayaa waxaa uu sheegay in sidaas loo sameeyey iyadoo la tixgalinaayo caruurta maadaama hadii ay hooyadu iyo caruurteedu ay kuwada hadlaan luqada Soomaaliga ay dhici karto inay ilmaha laga dhaadhiciyo waxyyaabo kale, Inkastoo codsi ay u gudbisay Yasmiin uu ninkaas ku aqbalay inuu arintaas uu u gudbin doono qoyska iyo dadka kale oo ilmahaas ku haayo gacanta si hada ka dib loogu ogolaado hooyadaas inay caruurteeda kul hadli karto af Soomaaliga, Ninkaan oo u muuqday nin difaacaayo heyada uu ka tirsan yahay ayaa ku eedeeyey hooyadaas inay ka soo bixi weysay waajibkeedii, Sidoo kale ayuu ninkaas oo ka jawaabayey su’aal ahayd sababta ay ku dhacday in ilmahaas ay qaateen ay u geyn waayeen meel ay ku badbaadaan ayaa waxaa uu ku tilmaamay wax laga naxo in caruurtaas la faraxumeeyo asagoona sheegay inay booliisku baaritaan ku wadaan arintaas, Laakiin waxaa uu sidoo kale arintaas ku eedeeyey inay hooyadu ka hadlin oo hadii aysan caruurteeda ku aamineynin qoyska ay qaraabada yihiin ee loo geeyey ay iyadu ahayd inay arintaas sheegto oo ayna diido in caruurteeda halkaas laga geeyo.

Ugu dambeyntiina iyadoo run ahaantii dhibaatada baaxada weyn ee soo gaartey hooyadaas Soomaaliyeed ayaa waxaa masuuliyadeeda la saari karaa jaaliyada Soomaaliyeed ee ku nool dalkaas gaar ahaana Soomaalida ku nool magaalada ay degen tahay hooyadaas maadaama aysan waxba ka qaban arinta loogu soo mar marsiyooday hooyadaas caruurteeda oo ahayd mid la xiriirta arimo dhaqaale taas oo ah mid aan ahayn mida inta badan looga qaato caruurta hooyooyinka Soomaaliyeed oo ah in lagu soo eedeeyo inay jirdileen caruurtaas ama ay dayaceen ilmahooda, Laakiin arintaan oo ka duwan midaas ayaa hadii hooyadaas laga caawin lahaa dhibaatada dhaqaale ilaa iyo inta ay iska toosineysa waxaa laga yaabi lahaa inay dhibaatada intaas ka yaraan lahayd, hooyadaan ayaa fariintii ugu dambeysay ee ay heshay waxay ahayd mid ka sii nixisay taas oo ahayd in gabadheeda la faraxumeeyey loo geyn doono qoys Lesbian ah ama qoys laba haween ah oo isqabo arintaas oo ay ka xumaatey hooyadaas oo ayna ku calaacashay inay tahay qof muslin ah oo aan aqbali karin arintaas. 

Abdirizak M. (Xiireey)
Holland
Abdirizakxiireey@hotmail.com